KB · Hymns · #541
सल्लाघारीको सुसेली हावा कति मीठो
C4/4
Chorus
सल्लाघारीको सुसेली हावा कति मीठो गीत गाउँछ सृष्टिकर्ताको
(गरौँन स्तुति तिमी र हामी मिलेर उनैको) (२)
Verse
जल-थल-नभ सारा उनैले बनाका
घाम-जुन-ताराहरू उनैले टाँगेका
खोला-नाला डाँड़ा-काँड़ा उनैले बसाका
पशु-प्राणी-प्रकृति पनि उनैले रचेका ।
गरौँन स्तुति तिमी र हामी मिलेर उनैको
लौ, गरौँन स्तुति तिमी र हामी उनै ईश्वरको ।
Verse
हिउँ-असिना-वर्षा पनि उनैले पठाका
फूल फुलाका, फल पनि उनैले फलाका
रंगिबिरङ्गी रङ्गहरू उनैले पोतेका
सुगन्ध-बतास-जीवन पनि वरदान उनैका ।
गरौँन स्तुति तिमी र हामी मिलेर उनैको
लौ, गरौँन स्तुति तिमी र हामी जीवनदाताको ।
सल्लाघारीको... मिलेर उनैको ।
लौ गरौँन... उनै ईश्वरको, लौ गरौन... जीवनदाताको ।